ޕްރޮސިކިއުޓަރ ޖެނެރަލްގެ އޮފީސް ވ. ނެތް

ޕްރޮސިކިއުޓަރ ޖެނެރަލްގެ އޮފީހުގެ ނަންބަރު: 759/2023/D/3 ދަޢުވާ ހުށަހަޅާ ފޯމުން، ނ.މަނަދޫ މެޖިސްޓްރޭޓް ކޯޓަށް ހުށަހެޅި މައްސަލައަކީ ޤާނޫނު ނަންބަރު: 21/2022 (ޤާނޫނު ނަންބަރު: 12/2016 (ޖިނާއީ އިޖުރާއަތުގެ ޤާނޫނު) އަށް 4 ވަނަ އިޞްލާޙު ގެނައުމުގެ ޤާނޫނު) ގެ 94 ވަނަ މާއްދާގައި ބަޔާންކޮށްފައިވާ މުއްދަތުގެ ފަހުން ހުށަހަޅާފައިވާ މައްސަލައެއްކަމަށް ނިންމަވާފައިވާ، އެ ކޯޓުގެ ނަންބަރު: D12C/RN/2023/01 ރަޖިސްޓްރާރގެ ނިންމުން މުރާޖަޢާކޮށްދެއްވުން އެދި އެ ކޯޓަށް ހުށަހެޅުމުން، އެ ނިންމުމަށް ބަދަލު ގެންނަންޖެހޭނެ ތަނެއް ނެތްކަމަށް އެ ކޯޓުގެ ނަންބަރު: D12C/RNAB/2023/1 "ރަޖިސްޓްރާރގެ ނިންމުން އަލުންބަލައި ގޮތެއް ނިންމުން" އިން ނިންމަވާފައިވެއެވެ.

1. ޤާނޫނު ނަންބަރު: 21/2022 (ޤާނޫނު ނަންބަރު: 12/2016 (ޖިނާއީ އިޖުރާއަތުގެ ޤާނޫނު) އަށް 4 ވަނަ އިޞްލާޙު ގެނައުމުގެ ޤާނޫނު) ގެ 94 ވަނަ މާއްދާގެ (ނ) ގައި ބަޔާންކުރަނީ، ޖިނާއީ ކުށެއްގެ ދަޢުވާލިބޭ ފަރާތަކީ މި ޤާނޫނުގެ 60 ވަނަ މާއްދާގެ (ށ) ގެ ދަށުން ފަނޑިޔާރެއްގެ ކުރިމައްޗަށް ހާޒިރުކުރުމަށްފަހު އެ މާއްދާގެ (ނ) ނުވަތަ (ރ) ގެ ދަށުން ދޫކޮށްލާފައިވާ މީހެއްނަމަ، ނުވަތަ އޭނާ ދޫކޮށްލާފައިވަނީ ދިވެހި ފުލުހުންގެ ޚިދުމަތުން ކަމަށްވާނަމަ، އޭނާ ބަންދުން ދޫކޮށްލާތާ 45 (ސާޅީސްފަހެއް) ދުވަހުގެ ތެރޭގައި، އެ މައްސަލައެއްގެ ތަޙުޤީޤު ނިންމައި ޕްރޮސިކިއުޓަރ ޖެނެރަލްގެ އޮފީހަށް ހުށަހަޅަންވާނެއެވެ. އަދި އޭނާގެ މައްޗަށް ޕްރޮސިކިއުޓަރ ޖެނެރަލް ދަޢުވާ އުފުލާނަމަ، ޕްރޮސިކިއުޓަރ ޖެނެރަލްގެ އޮފީހަށް އެ މައްސަލައެއް ހުށަހެޅޭތާ 15 (ފަނަރަ) ދުވަހުގެ ތެރޭގައި އެ މައްސަލާގައި ދަޢުވާއެއް އުފުލަންވާނެއެވެ.

2. މި މައްސަލައާ ގުޅިގެން އުފެދިފައިވާ ސުވާލަކީ މި މައްސަލައަކީ ޤާނޫނުގައި ބަޔާންކޮށްފައިވާ މުއްދަތުގެ ތެރޭގައި ހުށަހަޅާފައިވާ މައްސަލައެއްތޯ ނުވަތަ ނޫންތޯއާ މެދުގައެވެ.

މިލަދުންމަޑުލު ދެކުނުބުރީ މެޖިސްޓްރޭޓް ކޯޓުގެ ނަންބަރު: D12C/RNAB/2023/1 "ރަޖިސްޓްރާރގެ ނިންމުން އަލުންބަލައި ގޮތެއް ނިންމުން" އަދި މިލަދުންމަޑުލު ދެކުނުބުރީ މާޅެންދޫ މެޖިސްޓްރޭޓް ކޯޓުގެ ކޯޓުގެ ނަންބަރު: D5C/RNAB/2024/1 "ރަޖިސްޓްރާރގެ ނިންމުން އަލުންބަލައި ގޮތެއް ނިންމުން" ގައި ނިންމަވާފައިވާ ނިންމުމަށް ބަދަލު ގެންނަންޖެހޭ ފަދަ ސަބަބެއް ނެތްކަމަށް ކަނޑައަޅައި، މި މައްސަލަ ހައިކޯޓުން ބެލި ފަނޑިޔާރުންގެ އަޣުލަބިއްޔަތުން ހުކުމްކުރެއްވި.

މިލަދުންމަޑުލު ދެކުނުބުރީ މެޖިސްޓްރޭޓް ކޯޓުގެ ނަންބަރު: D12C/RNAB/2023/1 "ރަޖިސްޓްރާރގެ ނިންމުން އަލުންބަލައި ގޮތެއް ނިންމުން" އަދި މިލަދުންމަޑުލު ދެކުނުބުރީ މާޅެންދޫ މެޖިސްޓްރޭޓް ކޯޓުގެ ކޯޓުގެ ނަންބަރު: D5C/RNAB/2024/1 "ރަޖިސްޓްރާރގެ ނިންމުން އަލުންބަލައި ގޮތެއް ނިންމުން" ގައި ނިންމަވާފައިވާ ނިންމުމަށް ބަދަލު ގެންނަންޖެހޭ ފަދަ ސަބަބެއް ނެތްކަމަށް ކަނޑައަޅައި، މި މައްސަލަ ހައިކޯޓުން ބެލި ފަނޑިޔާރުންގެ އަޣުލަބިއްޔަތުން ހުކުމްކުރެއްވި.

މި ނިންމެވުމަށް ވާޞިލުވުމުގައި ތިން ފަނޑިޔާރުންގެ ތިން ރަޢުޔެއް އޮތުުމުން މައްސަލައާގުޅުގެން ރޭޝިއޯ އެއް ކަނޑައެޅިފައެއްނުވޭ.